ចំណូល​ពន្ធ​របស់​ប្រទេស​កម្ពុជា​ពី​កាស៊ីណូ​កើនឡើង​១២%​កាលពី​ឆ្នាំ​មុន​

២៥ មីនា ២០១៥ , The Cambodia Herald

កាលពី​ថ្ងៃ​ច័ន្ទ​ បណ្តាញ​ទូរទស្សន៍​កម្ពុជា​ (​ស៊ី​ធី​អិន​)​ បាន​រាយការណ៍​ដោយ​ផ្អែក​លើ​សម្តី​មន្ត្រីជាន់ខ្ពស់​ហិរញ្ញវត្ថុ​មួយ​រូប​ ថា​ប្រទេស​កម្ពុជា​ប្រមូល​ចំណូល​ពន្ធ​បាន​ជាង​ ២៥​លាន​ដុល្លារ​អា​មេ​រិ​ក​ ពី​ឧស្សាហកម្ម​កាស៊ីណូ​ក្នុង​ឆ្នាំ​២០១៤​ កើនឡើង​១២​ភាគរយ​ បើ​ធៀប​នឹង​ឆ្នាំ​២០១៣​។​…​

The Cambodia Herald​ News Staff
http://thecambodiaherald.com/cambodia/cambodias-tax-revenues-from-casinos-up-12-pct-last-year-8349

កូន​ប្រុស​មន្ត្រី​គយ​ជាប់​សង្ស័យ​នៅ​ក្នុង​ការ​បាញ់​បោះ​ក្នុង​មជ្ឈមណ្ឌល​កម្សាន្ត​​

១៦ មីនា ២០១៥ , ខេមបូឌា ដេលី

យោង​តាម​នគរបាល​បាន​ឲ្យ​ដឹង​ថា កូន​ប្រុស​របស់​មន្ត្រី​គយ​មាន​បុណ្យ​ស័ក្តិ​ខ្ពស់​ម្នាក់​ បាន​ជាប់ពាក់ព័ន្ធ​​នៅ​ក្នុង​ហេតុការណ៍​បាញ់​បោះ​​មួយ​នៅ​មជ្ឈមណ្ឌល​ កម្សាន្ត​រ៉ុក​ ក្នុង​ខណ្ឌ​ចំការមន​ រាជធានី​​ភ្នំពេញ​ នៅ​វេលា​រំលង​អធ្រាត្រ​កាលពី​ម្សិលមិញ ដោយ​បណ្ដាល​ឲ្យ​បុរស​ម្នាក់​បាន​រង​របួស​។ …

Saing Soenthrith
http://https://www.cambodiadaily.com/news/customs-officials-son-involved-in-club-shooting-79842/

គរុ​និស្សិត​ដាក់​ញត្តិ​ទាមទារ​ប្រាក់​អាហារូបករណ៍ ដែល​បាត់ ៨​ខែ

០៣ មីនា ២០១៥ , ភ្នំពេញប៉ុស្តិ៍

គរុ​និស្សិត ក្នុង ឆ្នាំ​សិក្សា​២០១៣-២០១៤ នៅ​វិទ្យាស្ថាន​ជាតិ​អប់រំ ពី​ម្សិលមិញ​បាន​ដាក់​ញត្តិ​ទៅ​ក្រសួង​អប់រំ​សុំ​អន្តរាគមន៍​ទៅ​ក្រសួង​សេដ្ឋកិច្ច​និង​ហិរញ្ញវត្ថុ​ឲ្យ​ផ្តល់​ប្រាក់​អាហារូបករណ៍​ដល់​គរុ​និស្សិត​ចំនួន ៤៦១​នាក់ ដែល​មិន​បាន​ទទួល​ចំនួន ៨ ខែ​ផ្ទុយ​ពី​អនុក្រឹត្យ។ …

Sen David and Sarah Taguiam
http://www.phnompenhpost.com/teachers-push-ministry-over-nixed-scholarship

ស្ថាប័ន​ផ្ដល់​កម្ចី​ក្រៅ​ផ្លូវ​ការ​ចាប់​ផ្តើម​ចុះ​បញ្ជី

១៩ កុម្ភៈ ២០១៥ , ភ្នំពេញប៉ុស្តិ៍

ការ​ចុះ​បញ្ជី​របស់​ស្ថាប័ន​ផ្តល់​កម្ចី​ក្រៅ​ផ្លូវ​ការ​បាន​កើន​ដល់​ជាង ១០០ ស្ថាប័ន​បន្ទាប់​ពី​ការ​ព្រមាន​ពី​ក្រសួង​សេដ្ឋកិច្ច ហិរញ្ញវត្ថុ និង​ធនាគារ​ជាតិ​នៃ​កម្ពុជា (NBC)។

កាល​ពី​ដើម​ខែ​នេះ​ក្រសួង​សេដ្ឋកិច្ច និង​ហិរញ្ញវត្ថុ និង NBC បាន​ចេញ​សេចក្ដី​ប្រកាស​រួម​មួយ​ថា នឹង​ចាត់​វិធានការ​លើ​ស្ថាប័ន​ផ្តល់​កម្ចី​ដែល​នៅ​ក្រៅ​បទប្បញ្ញត្តិ​កម្ពុជា។ …

Chan Muyhong
http://www.phnompenhpost.com/unofficial-lenders-flock-nbc-seeking-be-registered

កម្ពុជា​បង្ហាញ​ក្រម​ប្រតិបត្តិ​ធនាគារ​

១៦ កុម្ភៈ ២០១៥ , Shanghai Daily

មន្ត្រី​បាន​និយាយ​ថា​ កាលពី​ថ្ងៃ​ច័ន្ទ​ ធនាគារជាតិ​នៃ​កម្ពុជា​ ដែលជា​និយ័ត​ករ​ឧស្សាហកម្ម​ធនាគារ​ និង​ហិរញ្ញវត្ថុ​ បាន​ប្រកាស​ឲ្យ​ប្រើ​ក្រម​ប្រតិបត្តិ​ធនាគារ​ ក្នុង​គោលដៅ​បង្កើន​សេចក្តី​ទុកចិត្ត​របស់សាធារណៈជន​ក្នុង​ឧស្សាហកម្ម​នេះ​។​…

​ធនាគារជាតិ​នៃ​កម្ពុជា​បាន​និយាយ​ថា​ កាលពី​ឆ្នាំ​មុន​ វិស័យ​នេះ​បាន​ទទួល​ការ​ដាក់​ប្រាក់​សរុប​ចំនួន​ ១១.៦​ពាន់​លាន​ដុល្លារ​អា​មេ​រិច​ ពី​អ្នក​ដាក់​ប្រាក់​ចំនួន​៣.៣​លាន​នាក់​ ខណៈ​ពេល​ដែល​វិស័យ​នេះ​បាន​ផ្តល់​កម្ចី​ចំនួន​១០.៨​ពាន់​លាន​ដុល្លារ​អា​មេ​រិច​ ទៅ​ឲ្យ​អតិថិជន​ចំនួន​ ២.២​លាន​នាក់​។​

Shanghai Daily News Staff
http://shanghaidaily.com/article/article_xinhua.aspx?id=268881

ក្រសួង​ព្រមាន​ដល់​អ្នក​ផ្តល់​កម្ចី​ក្រៅ​ផ្លូវ​ការ

០៤ កុម្ភៈ ២០១៥ , ភ្នំពេញប៉ុស្តិ៍

និយតករ​វិស័យ​ហិរញ្ញវត្ថុ​កម្ពុជា​បាន​ប្រកាស​អនុវត្ត​វិធានការ​ថ្មី និង​បន្ថែម​ការ​ត្រួត​ពិនិត្យ​លើ​ស្ថាប័ន​ផ្តល់​កម្ចី​គ្មាន​អាជ្ញាប័ណ្ណ​ដែល​កំពុង​កើន​ឡើង​នៅ​កម្ពុជា។

ការ​ដាក់​ចេញ​វិធានការ​នេះ ដោយ​ក្រសួង​បារម្ភ​ថា កំណើន​នៃ​សកម្មភាព​នេះ​អាច​នឹង​បង្ក​ផល​ប៉ះពាល់​ធ្ងន់ធ្ងរ​ដល់​ជីវភាព​ប្រជាជន និង​បំផ្លាញ​កេរ្តិ៍​ឈ្មោះ​គ្រឹះស្ថាន​ហិរញ្ញវត្ថុ​ដែល​មាន​អាជ្ញាប័ណ្ណ​ត្រឹម​ត្រូវ។ …

គិត​ទល់​ដំណាច់ ឆ្នាំ​២០១៤ ធនាគារ​ជាតិ​នៃ​កម្ពុជា​បាន​ផ្តល់​អាជ្ញាប័ណ្ណ​ដល់​គ្រឹះស្ថាន​មីក្រូ​ហិរញ្ញវត្ថុ​ដើម្បី​ប្រតិបត្តិការ​អាជីវកម្ម​សរុប ៣៩ ស្ថាប័ន។ …

Hor Kimsay
http://www.phnompenhpost.com/business/unlicensed-lenders-called-out

រដ្ឋ​មន្ត្រី​អប់រំ​​ព្យួរ​ប្រាក់​បៀវត្សរ៍​គ្រូ​បង្រៀន​ម្នាក់​ ១ ឆ្នាំ​រឿង​អសកម្ម​ការងារ តែ​សាមី​ខ្លួន​បដិសេធ

២០ មករា ២០១៥ , ភ្នំពេញប៉ុស្តិ៍

ក្រសួង​អប់រំ​យុវជន​និង​កីឡា​ បាន​ប្រកាស​ព្យួរ​ប្រាក់​បៀវត្សរ៍​ដល់​មន្ត្រី​អប់រំ​ក្រុង​ម្នាក់ ដែល​មាន​ភាព​ «អសកម្ម​ការងារ» រយៈពេល​មួយ​ឆ្នាំ នៅ​ខេត្ត​ព្រះសីហនុ ប៉ុន្តែ​ការ​សម្រេច​នេះ​ត្រូវ​សាមី​ខ្លួន​បដិសេធ ​និង​ថា ​ជា​ការ​រើស​អើង​ដោយ​សារ​គាត់​ជា​សមាជិក​គណបក្ស​ប្រឆាំង។ …

ប៉ុន្តែ​លោក​រដ្ឋ​មន្ត្រី​ ជួន​ ណារ៉ុន ​មាន​ប្រសាសន៍​ថា ​ការ​សម្រេច​របស់លោក​ គឺ​​ធ្វើ​ឡើង​តាម​សំណើ​របស់​មន្ទីរ​អប់រំ​ខេត្ត​ដោយសារ​លោក​ សឿន ​ធី ​មិន​មក​ធ្វើការ​ ធ្វើ​ឲ្យ​មន្ទីរ​បារម្ភ​ខា្លច​មន្ត្រី​អង្គភាព​ប្រឆាំង​អំពើ​ពុក​រលួយ (ACU) ចុះ​ធ្វើ​ការ​អង្កេត​លើ​មន្ត្រី​អសកម្ម​ការងារ​ យក​តែ​ប្រាក់​ខែ​ អត់​ធ្វើការ។ …

Chhay Channyda
http://www.phnompenhpost.com/national/salary-cut-absenteeism

គណៈកម្មការ​​​ហិរញ្ញវត្ថុ​​​​​​នៃ​​​រដ្ឋ​​​សភា​​​ស្នើ​​​សុំ​​​ព័ត៌​​​មាន​​​លម្អិត​​​បន្ថែម​​​ស្តី​​​ពី​​​ថវិកាជាតិ​​​

១០ វិច្ឆិកា ២០១៤ , ខេមបូឌា ដេលី

គណៈកម្មការ​​​ធនាគារ និង​​​ហិរញ្ញវត្ថុ​​​នៃ​​​រដ្ឋ​​​សភា​​​បាន​​​ជួប​​​ប្រជុំ​​​កាល​​​ពីម្សិលមិញ ដើម្បី​​​ពិភាក្សា​​​អំពី​​​សំណើ​​​ថវិកា​​​ជាតិ​​​៣,៨ពាន់​​​លាន​​​ដុល្លារ​​​សម្រាប់​​​ឆ្នាំ​​​២០១៥ ដោយ​​​ក្រុម​​​តំណាង​​​រាស្ត្រ​​​​​​មក​​​ពី​​​គណបក្ស​​​​​​ទាំង​​​ពីរ​​​​​​បាន​​​យល់​​​ស្រប​​​គ្នា​​​ថា ចាំបាច់​​​ត្រូវ​​​មាន​​​ព័ត៌មាន​​​លម្អិត​​​ជាក់​​​លាក់​​​បន្ថែម​​​ទៀត​​​​​​ មុន​​​ពេល​​​ពួក​​​គេ​​​អាច​​​វាយ​​​តម្លៃ​​​គម្រោង​​​នេះ​​​បាន​​​ នេះ​​​បើ​​​យោង​​​តាម​​​​​ការ​​​លើក​​​ឡើង​​​របស់​​​លោក សុន ឆ័យ អនុ​​​ប្រធាន​​​គណៈកម្មការ​​​នេះ​​​។

លោក សុន ឆ័យ តំណាង​​​រាស្ត្រ​​​ជាន​​​់​​​ខ្ពស់​​​មួយ​​​រូប​​​របស់​​​គណបក្ស​​​សង្គ្រោះ​​​ជាតិ​​​ បាន​​​មាន​​​ប្រសាសន៍​​​ថា តំណាង​​​រាស្ត្រ​​​បួន​​​រូប​​​​​​មក​​​ពី​​​គណបក្ស​​​របស់​​​លោក ដែល​​​ស្ថិត​​​នៅ​​​ក្នុង​​​គណៈកម្មការ​​​នេះ ព្រម​​​ទាំង​​​តំណាង​​​រាស្ត្រ​​​ប្រាំ​​​រូប​​​មក​​​ពី​​​គណបក្ស​​​ប្រជា​​​ជន​​​កម្ពុជា​​​​​​កំពុង​​​កាន់​​​អំណាច​​​ផង​​​​​​ បាន​​​គ្រោង​​​ជំនួប​​​មួយ​​​ជាមួយលោក អូន ព័ន្ធ​​​មុនីរ័ត្ន​​​ រដ្ឋ​​​មន្ត្រី​​​ក្រសួង​​​សេដ្ឋ​​​កិច្ច និង​​​ហិរញ្ញវត្ថុ​​​នៅ​​​ចុង​​​ខែ​​​នេះ​​​។ …

Alex Willemyns
http://www.cambodiadaily.com/news/finance-commission-to-discuss-2015-budget-71945/

ក្រសួង​ចំនូ​ន​ពីរ​រំពឹង​ថា​នឹង​មានការ​កើនឡើង​ថវិកា​ប្រចាំឆ្នាំ​

២៨ តុលា ២០១៤ , ខេមបូឌា ដេលី

​រដ្ឋមន្ត្រីក្រសួង​អប់រំ​ និង​សុខាភិបាល​បានឱ្យ​ដឹង​កាលពី​ថ្ងៃ​ចន្ទ​ថា​ ពួក​គេ​រំពឹង​ថា​នឹង​មាន​ ការ​កើនឡើង​នូវ​ថវិកា​ប្រចាំឆ្នាំ​ចំនួន​១៨​ និង​ ១៥​ ភាគរយ​ដល់​ ថវិកា​ ក្រសួង​ របស់​ពួក​គេ​រៀងៗ​ខ្លួន​ បើ​យោង​តាម​សេចក្តីព្រាងច្បាប់​ថវិកាជាតិ​ឆ្នាំ​ 2015​ ដែល​បាន​ចុះហត្ថលេខា​ដោយ​ លោកនាយក​រដ្ឋ​ម​ ន្ត្រី​ហ៊ុន​សែន​ កាលពី​ថ្ងៃ​សុក្រ​ ។​ …​

Hul Reaksmey and Chris Mueller
http://www.cambodiadaily.com/news/two-ministries-anticipate-budget-increase-71118/

បទប្បញ្ញត្តិ​ពន្ធ​ត្រូវ​បាន​អនុម័ត​កែប្រែ

២៥ តុលា ២០១៤ , ភ្នំពេញប៉ុស្តិ៍

នៅ​ក្នុង​កិច្ច​ខិតខំ​ប្រឹង​ប្រែង​មួយ​ដើម្បី​ធ្វើ​មជ្ឈការ​ការ​ចុះ​បញ្ជី​ពន្ធ និង​កែលម្អ​គណនីយភាព​អ្នក​ជាប់​ពន្ធ​ក្រសួង​សេដ្ឋកិច្ច និង​ហិរញ្ញ​វត្ថុ​នៅ​ខែ​នេះ​បាន​អនុម័ត​ការ​កែប្រែ​មួយ​ចំនួន​ចំពោះ​បទ​ប្បញ្ញត្តិ​ការ​ចុះ​បញ្ជី​ពន្ធ​របស់​ប្រទេស​នេះ។

តាម​ប្រកាស​លេខ ១១៣៩ ចេញ​ដោយ​ក្រសួង​កាល​ពី​ថ្ងៃ ទី៩ ខែ​តុលា បញ្ជាក់​ថា នីតិ​បុគ្គល​ទាំង​អស់​រួម​ទាំង NGO និង​សមាគម​ពាណិជ្ជ​កម្ម​ត្រូវ​តែ​ចុះ​បញ្ជី​នៅ​អគ្គ​នាយកដ្ឋាន​ពន្ធដារ (GDT) ក្នុង​រយៈ​ពេល ១៥ ថ្ងៃ​នៃ​ការ​ចាប់​ផ្ដើម​សកម្មភាព​សេដ្ឋកិច្ច។ …

Eddie Morton
http://phnompenhpost.com/post-weekend/tax-regulation-gets-shakeup

លោក​​​ ហ៊ុន សែន លើក​​​ឡើង​​​ថា​​​មន្ត្រី​​​រាជ​​​ការ​​​មាន​​​ប្រាក់​​​បៀវត្សរ៍​​​ទាប​​​ជាង​​​៨០០.០០០រៀល​​​មិន​​​ជាប់​​​ពន្ធ

១០ តុលា ២០១៤ , ខេមបូឌា ដេលី

កាល​​​ពី​​​ម្សិល​​​មិញ លោក​​​​​​នាយក​​​រដ្ឋមន្ត្រី​​​ ហ៊ុន សែន បាន​​​លើក​​​ឡើង​​​ថា មន្ត្រី​​​រាជ​​​ការ​​​ដែល​​​ទទួល​​​បាន​​​ប្រាក់​​​ខែ​​​ទាប​​​ជាង​​​៨០០.០០០រៀល [ប្រហែល២០០ដុល្លារ] ក្នុង​​​មួយ​​​ខែ​​​ នឹង​​​មិន​​​ជាប់​​​ពន្ធ​​​បៀវត្ស​​​រ៍ឡើយ​​​ ពោល​​​គឺ​​​គ្រាន់​​​តែ​​​ប៉ុន្មាន​​​ថ្ងៃ​​​ប៉ុណ្ណោះ​​​បន្ទាប់​​​ពី​​​ក្រសួង​​​សេដ្ឋ​​​កិច្ច​​​និ​​​ងហិរញ្ញ​​​វត្ថុ​​​បាន​​​ផ្ញើ​​​សារ​​​ខុស​​​គ្នា​​​ដាច់​​​ស្រឡះ​​​មួយ​​​ដល់​​​កម្មករ​​​រោង​​​ចក្រ​​​កាត់​​​ដេរ​​​នៅ​​​ក្នុង​​​ប្រទេស​​​កម្ពុជា​​​។ …

Hul Reaksmey
http://www.cambodiadaily.com/news/hun-sen-says-civil-servants-to-get-tax-break-69534/

កម្ពុជា​គ្រោង​នឹង​អនុញ្ញាត​ ប្រជាជន​ក្នុងស្រុក​ ចូល​កាស៊ីណូ​ក្នុង​ប្រទេស​

១៥ កញ្ញា ២០១៤ , Poker News

រដ្ឋាភិបាល​កម្ពុជា​ កំពុង​ពិចារណា​លើ​ការ​អនុញ្ញាត​ឱ្យ​ប្រជាពលរដ្ឋ​ក្នុងស្រុក​ ចូល​លេងល្បែង​ក្នុង​កាស៊ីណូ​។​ បច្ចុប្បន្ន​នេះ​ មាន​តែ​ជនបរទេស​តែ​ប៉ុណ្ណោះ​ ដែល​ត្រូវ​បាន​អនុញ្ញាត​ឱ្យ​ចូល​លេងល្បែង​ នៅ​ក្នុង​កាស៊ីណូ​ក្នុង​ប្រទេស​កម្ពុជា​។​ …

Jason Glatzer
http://www.pokernews.com/news/2014/09/cambodia-to-allow-locals-in-casinos-19284.htm

គ្រួសារ​រស់​នៅ​ក្បែរ​ផ្លូវ​រថភ្លើង​​នាំគ្នា​តវ៉ា​ទាម​ទារ​ឲ្យ​ធនាគារ​អភិវឌ្ឍន៍​អាស៊ី​ឆ្លើយតប​

១២ សីហា ២០១៤ , ខេមបូឌា ដេលី

គ្រួសារ​រស់នៅ​ក្បែរ​ផ្លូវ​ដែក​​ក្នុង​រាជធានីភ្នំពេញ ដែល​ប្រឈម​នឹង​ការ​បាត់​បង់​ផ្នែក​ខ្លះ​នៃ​ដីធ្លី​របស់ខ្លួន​ ដោយ​សារ​គម្រោង​ស្ដារ​ផ្លូវ​ដែក​​ ដែល​ទទួល​បាន​មូលនិធិ​ជា​ចម្បង​ពី​ធនាគារ​អភិវឌ្ឍន៍​អាស៊ី (ADB) បាន​នាំគ្នា​តវ៉ា​នៅ​ខាង​មុខ​ទីស្នាក់​ការ​កណ្ដាល​របស់​ធនាគារ​នេះ​កាល​ពី​ម្សិលមិញ​ ទាក់​ទិននឹង​រឿង​​ដែល​ពួកគេ​បាន​លើក​ឡើង​ថា កង្វះ​តម្លា​ភាព​អំពី​វាសនា​របស់​ពួកគាត់​។

គ្រួសារ​ទាំង​នេះ​បាន​លើក​ឡើង​ថា ការ​ជួប​គ្នា​មួយ​ភ្លែត​ជាមួយ​លោក EricSidgwick ​នាយក​ប្រចាំ​ប្រទេស​របស់​ ADB នៅ​តែ​បន្សល់​ភាព​ស្រពេចស្រពិល​ដល់​ពួកគាត់​។ …

Aun Pheap and Zsombor Peter
http://www.cambodiadaily.com/news/protesting-families-demand-answers-from-adb-66271/

ឃាត់​ខ្លួន​អ្នក​ស្រី​រ័ត្ន​ សុភាព​ រំលោភ​លើ​សេចក្តី​ទុក​ចិត្ដ

០៤ សីហា ២០១៤ , ភ្នំពេញប៉ុស្តិ៍

អ្នក​ស្រី​ ​រ័​ត្ន​ ​សុភាព​ ​ថៅ​កែ​ប្រមូល​ភាស៊ី​ផ្សារ​ព្រែក​ព្នៅ​និង​យក​លុយ​ពីរ​ថយ​ន្ដ​ចត​លើ​ផ្លូវ​សា​ធារ​ណៈ ​ត្រូវ​បាន​កម្លាំង​សមត្ថ​កិច្ច​នគរបាល​ព្រហ្ម​ទណ្ឌ​នៃ​ស្នង​ការ​ដ្ឋា​ន​​រាជ​ធានី​ភ្នំពេញ​ ចាប់​​ខ្លួននៅ​ចំ​ណុច​​រង្វង់មូលស្តាតចាស់ ខណៈ​កំពុង​ធ្វើ​ដំណើរ​តាម​រថយន្ត​កាមរស៊េរី​ទំនើប​មួយ​គ្រឿង កាល​ពី​ព្រឹក​ថ្ងៃ​ទី​១ ខែ​សីហា​ ​ឆ្នាំ​២០១៤ និងបាន​បញ្ជូន​ទៅ​សាលាដំបូងរាជ​ធានី​ភ្នំពេញ​ភ្លាមៗដើម្បី​ធ្វើ​ការ​សាកសួរពាក់​ព័ន្ធបណ្ដឹង​ចោទ​ប្រកាន់​ពីបទ​«រំលោភ​លើ​ទំនុក​ចិត្ត»។

លោក ជាវ វិបុល នាយរង​កា​រិ​យា​ល័យ​ព្រហ្មទណ្ឌ​កម្រិត​ស្រាល​នៃស្នង​ការដ្ឋាន​នគរបាលរាជធានី​បាន​ថ្លែងថា ​ការចាប់ខ្លួន​អ្នកស្រី រ័ត្ន សុភាព​ ធ្វើ​ឡើង​តាម​ដីកា​បង្គាប់​របស់អ្នក​ស្រី​ ​ពេជ្រ​ ​ម៉ា​រ៉ែ​ន​ ​ចៅក្រម​ស៊ើបសួរ​សាលា​ដំបូង​រាជ​ធានី​ភ្នំពេញ​ដែល​បាន​ចោទ​ប្រកាន់​ពីបទ​រំលោភ​លើ​ទំនុកចិត្ត ប្រព្រឹត្ត​នៅ​រាជធានី​ភ្នំពេញ កាលពី​ឆ្នាំ​២០០៩ ដល់​ឆ្នាំ​២០១៣ តាម​មាត្រា​៣៩១ និង​មាត្រា​៣៩២ នៃ​ក្រម​ព្រហ្មទណ្ឌ​​។ …

Khouth Sophak Chakrya
http://www.phnompenhpost.com/national/vendors-see-justice-arrest

ក្រសួង​វប្បធម៌​និង​វិចិត្រសិល្បៈ​កំណត់​តម្លៃសំបុត្រ​​ចូល​ទស្សនា​សារមន្ទីរ​ប្រល័យ​ពូជសាសន៍​​ទួលស្លែង​

២៧ មិថុនា ២០១៤ , ខេមបូឌា ដេលី

បើទោះជា​ជនបរទេស​​បាន​បង់​ថ្លៃ​​​ចូល​ទស្សនា​​សារមន្ទីរ​​ទួល​ស្លែង​ក្នុងរាជធានីភ្នំពេញ​ជា​យូរ​មកហើយ​ក៏ដោយ ក៏ក្រសួង​​វប្បធម៌​និង​វិចិត្រសិល្បៈ​​បាន​ប្រកាស​​ថា ថ្លៃ​​​ចូល​ទស្សនា​​​ពន្ធ​នាគារ​​ខ្មែរក្រហម​​ដ៏​ឃោរឃៅ​​ដោយ​មិន​​​គិតថ្លៃ​​​ ត្រូវ​​​បាន​បញ្ចប់ហើយ​​​ ហើយពេល​នេះ​​នឹង​ត្រូវបង់​​៣ដុល្លារ។

យោងតាមប្រកាសមួយ​ចុះ​​ថ្ងៃ​ទី​១០ ខែ​មិថុនា និង​ចុះ​ហត្ថលេខា​ដោយ​លោកស្រី ភឿង សកណា រដ្ឋមន្ត្រី​ក្រសួង​វប្បធម៌និងវិចិត្រសិល្បៈ​​​បាន​ឲ្យដឹងថា “ជនបរទេស​ចាប់ពីអាយុ​១៨​ឆ្នាំ​ឡើងទៅ​ត្រូវតែ​ទិញ​សំបុត្រ​ចូល​​ទស្សនា​មាន​តម្លៃ​៣ដុល្លារ​​សម្រាប់​មនុស្សម្នាក់​” ចាប់​ពីថ្ងៃ​ទី១​ខែ​សីហា​តទៅ។ ប្រកាសនេះ​មាន​ខ្លឹមសារថា ​អ្នក​ស្រាវ​ជ្រាវ​ សិស្សនិស្សិត​និង​គណៈប្រតិភូ​បរទេស​​រួមទាំង​​​ជនជាតិ​ខ្មែរ​ផងដែរ​​​នឹង​​ត្រូ​វ​លើកលែង​។​ …

 

Kuch Naren
http://www.cambodiadaily.com/news/ministry-sets-official-tuol-sleng-ticket-price-62599/

តម្លៃ​ភាគហ៊ុន​ GTI ធ្លាក់ចុះនៅថ្ងៃដំបូ​ង

១៧ មិថុនា ២០១៤ , ភ្នំពេញប៉ុស្តិ៍

តម្លៃ​ភាគ​ហ៊ុន​របស់​ក្រុមហ៊ុន GRAND Twins International (GTI) បាន​ធ្លាក់​ចុះ ៤,៩ ភាគរយ​ខណៈ​ក្រុមហ៊ុន​ផលិត​សម្លៀក​បំពាក់​មួយ​នេះ​បាន​បញ្ចប់​ការ​ជួញ​ដូរ​នៅ ​ថ្ងៃ​ដំបូង​នៅ​លើ​ក្រុមហ៊ុន​ផ្សារ​មូលបត្រ​កម្ពុជា (CSX)។

ការ​បើក​ដំណើរការ​ជួញ​ដូរ​កាល​ពី​ម្សិលមិញ​ក្នុង​តម្លៃ ៩ ៧០០ រៀល (២,៤១ ដុល្លារ​អាមេរិក) ប៉ុន្តែ​តម្លៃ​បាន​ធ្លាក់​ចុះ​មក​នៅ​ត្រឹម ៩ ២២០ រៀល (២,២៨ ដុល្លារ​អាមេរិក) នៅ​ត្រឹម​ម៉ោង ១ រសៀល​ម៉ោង​បិទ​ការ​ជួញ​ដូរ​របស់​ទីផ្សារ​នេះ។

ទំហំ​នៃ​ការ​ជួញ​ដូរ​សម្រាប់​ក្រុមហ៊ុន​មក​ដល់​ថ្មី​ក្នុង​ផ្សារ​ហ៊ុន​កម្ពុជា​ក្នុង​មួយ​ថ្ងៃ​ដំបូង​នេះ មាន​ជាង ៣ ១០០ ហ៊ុន។ …

Eddie Morton
http://www.phnompenhpost.com/business/gti-price-drops-day-one

កាស៊ីណូ​នៅ​ប៉ោយប៉ែត​រង​ឥទ្ធិពល​ពី​ស្ថានភាព​ថៃ

០៣ មិថុនា ២០១៤ , ភ្នំពេញប៉ុស្តិ៍

មន្ត្រី​ច្រក​ព្រំដែន និង អ្នក​នៅ​ក្នុង​វិស័យ​កាស៊ីណូ​បាន​ឲ្យ​ដឹង​ថា ចំនួន​ភ្ញៀវ​ជនជាតិ ថៃ ចូល​មក​កាស៊ីណូ​នៅ​តាម​ច្រក​ព្រំដែន ប៉ោយប៉ែត បាន​ថយ​ចុះ​បន្ទាប់​ពី ប្រទេស​ថៃ គ្រប់​គ្រង​ដោយ​មេ​ដឹក​នាំ​រដ្ឋ​ប្រហារ​យោធា។

លោក អាង វណ្ណៈ ​ប្រធាន​ទីស្នាក់ការ​ត្រួត​ពិនិត្យ​ច្រក​ទ្វារ​ព្រំដែន​អន្តរជាតិ ប៉ោយប៉ែត មាន​ប្រសាសន៍​ថា ដំណើរការ​ទំនិញ និង​ចរាចរ​នៅ​តាម​ច្រក​ព្រំដែន​មាន​សភាព​ធម្មតា ប៉ុន្តែ​ចំនួន​ភ្ញៀវ​បរទេស និង​អ្នក​ដែល​មក​លេង​កាស៊ីណូ​មាន​ការ​ធ្លាក់​ចុះ​នៅ​រយៈ​ពេល​ប៉ុន្មាន​ថ្ងៃ​ចុង​ក្រោយ​តាំង​ពី ប្រទេស​ថៃ ប្រកាស​រដ្ឋ​ប្រហារ​នៅ​ថ្ងៃ ទី២២ កន្លង​មក។

លោក​ថ្លែង​ថា៖ «ភ្ញៀវ​ជា​ជន​បរទេស​ធ្លាក់​ចុះ​ច្រើន ក្នុង​នោះ​ទាំង​ភ្ញៀវ​ទេសចរ​ដែល​មក កម្ពុជា យើង​តាម​រយៈ ថៃ ក៏​ធ្លាក់​ចុះ ហើយ​ភ្ញៀវ​ដែល​មក​លេង​នៅ​កាស៊ីណូ​ក៏​ធ្លាក់​ចុះ​ដែរ»។ …

Chan Muyhong
http://www.phnompenhpost.com/business/thai-gamblers-drop-after-coup

សេចក្តី​ព្រាង​ច្បាប់​ធានា​រ៉ាប់រង​ថ្មី​ត្រូវ​បាន​អនុម័ត​ដោយ​គណៈ​រដ្ឋ​មន្ត្រី

០៣ មិថុនា ២០១៤ , ភ្នំពេញប៉ុស្តិ៍

សេចក្តី​ព្រាង​ច្បាប់​ថ្មី​ស្តី​ពី​ការ​គ្រប់​គ្រង​វិស័យ​ធានា​រ៉ាប់រង​ត្រូវ​បាន​អនុម័ត​នៅ​ក្នុង​កិច្ច​ប្រជុំ​ពេញ​អង្គ​គណៈ​រដ្ឋ​មន្រ្តី​កាល​ពី​ថ្ងៃ​សុក្រ​ចុង​សប្តាហ៍​មុន។

ច្បាប់​ថ្មី​នេះ​មាន​ជំពូក​សរុប ១៤ ជំពូក និង ១១៤ មាត្រា​ខណៈ​ច្បាប់​ចាស់​ដែល​បាន​ធ្វើ​តាំង​ពី ឆ្នាំ​២០០០ មាន ៨ ជំពូក និង ៥៦ មាត្រា។ ការ​កើន​ឡើង​នេះ​គឺ​ដោយ​សារ​តែ​វិស័យ​ធានា​រ៉ាប់​រង​នៅ​កម្ពុជា​មាន​ផលិតផល​និង​សេវាកម្ម​កាន់​តែ​សម្បូរ​បែប​ជាង​មុន ហើយ​សេចក្តី​ព្រាង​ច្បា​ប់ថ្មី​នេះ​នឹង​មាន​វិសាលភាព​គ្រប​ដណ្តប់​លើ​រាល់​សកម្មភាព​ធុរកិច្ច​ទាក់​ទង​នឹង​ធានា​រ៉ាប់រង​ទូទៅ​ធានា​រ៉ាប់​រង​អាយុ​ជីវិត និង​ការ​ធានា​រ៉ាប់​រង​ខ្នាត​តូច​ជាដើម។ …

Hor Kimsay
http://www.phnompenhpost.com/business/insurance-law-reform-under-way

មន្ត្រី​មន្ទីរ​​​សេដ្ឋកិច្ច​និង​ហិរញ្ញ​វត្ថុម្នាក់​ពាក់​ព័ន្ធ​គ្រោះ​ថ្នាក់​ចរា​ចរណ៍​បុក​ហើយ​រត់

២៣ ឧសភា ២០១៤ , ខេមបូឌា ដេលី

មន្ត្រី​នគរ​​​បាល​​​ម្នាក់​​​បាន​​​និយាយ​​​ថា រថយន្ត​​​មួយ​​​គ្រឿង​​​ដែល​​​ជា​​​កម្មសិទ្ធិ​​​របស់​​​លោក​​​ស្រី លី ធីតា ​​​ប្រធាន​​​មន្ទីរ​​​សេដ្ឋកិច្ច​​​ និង​​​ហិរញ្ញវត្ថុខេត្ត​​​កំពង់ចាម បាន​​​ជាប់​​​ពាក់ព័ន្ធ​​​នឹង​​​ការ​​​បុកមនុស្ស​​​ស្លាប់​​​​​​ហើយ​​​បាន​​​បើក​​​រត់​​​កាលពីម្សិលមិញ នៅ​​​ក្នុង​​​ស្រុក​​​ជើង​​​ព្រៃ​​​ ខេត្ត​​​កំពង់ចាម។

លោក ឈាង សែ អធិការ​​​រង​​​នគរ​​​បាល​​​ស្រុក​​​បាន​​​មាន​​​ប្រសាសន៍​​​ថា មនុស្ស​​​ពីរ​​​នាក់​​​បាន​​​ស្លាប់​​​ និង​​​ពីរ​​​នាក់​​​ទៀត​​​រង​​​របួស​​​នៅ​​​​​​ពេល​​​ដែល​​​រថយន្ត​​​តូយ៉ូតា​​​ហាយ​​​ឡិនឌ័រ​​​របស់​​​លោកស្រី លី ធីតា បាន​​​ជ្រុល​​​ទៅបុក​​​គោយន្ត​​​កន្ត្រៃ​​​មួយ​​​គ្រឿង និង​​​ម៉ូតូមួយ​​​គ្រឿងទៀត​​​កាលពី​​​វេលា​ទៀប​​​​ភ្លឺ​​​ថ្ងៃម្សិលមិញ។ …

Hay Pisey
http://www.cambodiadaily.com/news/economic-official-in-k-cham-hit-and-run-59440/

ឱនភាព​ថវិកា​រួម​តូច​ទោះ​ការ​ចំណាយ​ឡើង

២២ ឧសភា ២០១៤ , ភ្នំពេញប៉ុស្តិ៍

របាយ​ការណ៍​ថវិកា​រួម​ដែល ភ្នំពេញ ប៉ុស្តិ៍ ទទួល​បាន​បង្ហាញ​ថា ប្រាក់​ចំណូល​ក្នុង​ស្រុក និង​ហិរញ្ញប្បទាន​ក្រៅ​ប្រទេស​បាន​ជួយ​ឲ្យ​ឱនភាព​ថវិកា​របស់​កម្ពុជា​មាន​ស្ថិរភាព ទោះ​បី​ការ​ចំណាយ​បស់​រដ្ឋាភិបាល​កើន​ឡើង ៣២ ភាគរយ​កាល​ពី ឆ្នាំ​២០១៣ ក៏​ដោយ។

របាយ​ការណ៍​ថវិកា​ដែល​បាន​ចេញ​ផ្សាយ​កាល​ពី​ថ្ងៃ ទី​៨ ខែ​មីនា បង្ហាញ​ថា ឱនភាព​ថវិកា​របស់​កម្ពុជា​ស្ថិត​ក្នុង​កម្រិត ២៧២ លាន​ដុល្លារ​ដោយ​រដ្ឋាភិបាល​ចំណាយ​សរុប ៣,១ ពាន់​លាន​ដុល្លារ​កើន​ឡើង​ពី ២,៩៥ ពាន់​លាន​ដុល្លារ​កាល​ពី ឆ្នាំ​២០១២។

ទន្ទឹម​នឹង​នេះ​ប្រាក់​ចំណូល​ក្នុង​ស្រុក​បាន​កើន​ឡើង​ដល់ ២,០៦ ពាន់​លាន​ដុល្លារ​កាល​ពី​ឆ្នាំ​មុន​ដោយ​បាន​កើន​ឡើង​ពី ២,០១ លាន​ដុល្លារ​កាល​ពី ឆ្នាំ​២០១២។ យោង​តាម​របាយ​ការណ៍​នេះ​ហិរញ្ញប្បទាន​ពី​ម្ចាស់​ជំនួយ​បរទេស ១,០៦ ពាន់​លាន​ដុល្លារ​បាន​ជួយ​ឲ្យ​កម្រិត​នៃ​ការ​ចំណាយ​របស់​រដ្ឋាភិបាល​ធ្លាក់​ចុះ។ …

Eddie Morton
http://www.phnompenhpost.com/business/government-spending-foreign-aid-2013

  • Page 1 of 2
  • 1
  • 2
  • >